نصائح وتعليمات

أهم الوثائق المطلوبة للمنح الدراسية

موضوع اليوم وقبل ماابدأ بالمنح المهمة اليوم هو : أهم الوثائق المطلوبة للمنح الدراسية
حابب نوه لنقطة كتير مهمة وهي الاوراق المهمة المطلوبة للمنح بشكل عام .. طبعا قبل ما ابدأ تنزيل المنح المهمة بالفترة القادمة لتكونو جاهزين دائما. وبدي توعدوني انكن تجهزوهم لحتى نقدم سوا على اكبر عدد ممكن من المنح 🤝
أحياناً في منح بكون وقت التسجيل عليها ضيق وكتير أشخاص عم يروح عليهن التسجيل لأنهن بيتأخروا بتجهيز أوراقن ومابيبعتوها دفعة وحدة أو مابكونو متأكدين منها.
كمثال : سابقا قدمت على العديد من المنح بنفس الوقت وبسرعة لحتى اضمن شي منحة لذلك حطيت كل اوراقي على فلاشة وعلى موبايلي وكل ماشوف منحة قدم وارفع وراقي لأنو بكونو جاهزين دوما معي .. ومابطول التقديم معي اكتر من ساعتين
أغلب الوثائق اللي بتنطلب بالمنح ولازم تكون عندك احتياطاً دااااائماً ومترجمة للغة الانكليزية عند ترجمان محلف :
  1. شهادة البكالوريا و مصدقة التخرج (في حال كنت متخرج)
  2. كشف علامات التخرج . (+ كشف علامات الماجستير في حال منح الدكتوراه)
  3. رساليتن توصية من دكتورين بالجامعة. (أحياناً بينطلب أسماء وعناوين البريد الالكتروني لثلاثة معرفين (يفضل عناوين بريد الكتروني جامعية/مهنية وليس عناوين عامة) نموذج رسالة توصية من هون : http://bit.ly/2uWILbY
  4. السيرة الذاتية وفق النموذج الاوروبي او اي نموذج تاني فيك تشوف هون كيف تكتبها : https://ischolar.eu/europass-cv/
  5. رسالة دوافع Motivation Letter وهي عبارة عن صفحتين وورد (حوالي ٤٠٠٠ حرف) عم ضيف دائما نماذج رسائل دوافع حسب الاختصاص على الرابط : https://bit.ly/2IuaiIP .. رسالة الدوافع حاول تخليها عامة يعني تحط فيها الافكار الاساسية عن حالك .. وحسب المنحة بتعدل فيها تعديلات بسيطة لتلائم المنحة اللي عم تقدم عليها
  6. شهادات اللغة اللي معك (اي لغة كانت) من اي معهد ومن اي مؤسسة , حكيت بمنشورات سابقة عن شهادة اللغة بشكل كافي فيكن تشوفوها
  7. شهادات خبرة عمل من المكان اللي كنت تشتغل فيه ( ان وجدت )
  8. صورة شخصية بمقاس الصورة اللي على جواز السفر
  9. صورة عن جواز السفر الصفحة (1+2+3+4).
مرة تانية بأكد انو لازم تكون الوثائق كلها مترجمة عند ترجمان محلف , وبالنسبة للتصديق من الخارجية غالباً مو مطلوب إلا بعد ماتحصل على القبول من ادارة المنحة بتروح على مكتبة وبتعملن سحب على السكانر ( يعني تحويل الاوراق لصور بدقة عالية ملونة بتنحفظ على شكل ملفات pdf) .. وبعدا بتخزنهم على موبايلك او على فلاشة خاصة للمنح .. بهي الطريقة قدرت قدم على منح كتيرة بوقت قياسي بدون مالبك حالي وصار عندي خبرة مباشرة المنحة شو بدها وكيف ممكن اهتم بأوراقي
هالمنشور هو بداية لمنح مهمة جاية على الطريق رح انشرها دائما .. انتظروني 👍 👍
 







Fadi Nouh

اسمي فادي نوح من سوريا – حلب مهندس لدي خبرة في مجال المنح الدراسية منذ سنين طويلة درست مختلف الاختصاصات و حصلت على العديد من الدرجات من جامعات سورية وأوروبية

مقالات ذات صلة

زر الذهاب إلى الأعلى