منحة الحكومة الهنغارية 2021 – مبدأ الشريك
![The-Stipendium-Hungaricum-cooperation](https://ischolar.eu/wp-content/uploads/2020/10/The-Stipendium-Hungaricum-cooperation-1-780x469.jpg)
منحة الحكومة الهنغارية 2021 – مبدأ الشريك
عند زيارة موقع منحة الحكومة الهنغارية Stipendium Hungaricum سنجد الكلام التالي:
The Stipendium Hungaricum Programme is based on effective bilateral educational cooperation agreements between the Hungarian Ministry of Foreign Affairs and Trade or its legal predecessor as regards the Stipendium Hungaricum Scholarship Programme, the Ministry of Human Capacities, and the partner’s Ministry responsible for higher education. Applications will be considered eligible only if the applicant is nominated by the responsible authorities of the Sending Partner.
وهو يعني أن المنحة الهنغارية هي منحة تعاون بين الحكومة الهنغارية وحكومات الدول المشمولة في المنحة, وبالتالي لا يتم اعتبار المتقدّم مؤهل للمنحة إن لم يتم ترشيحه من قبل الشركاء الموجودين في بلده الأم. ماذا يقصد بالشركاء؟!
بعد ما نقدم طلباتنا للمنحة..المنحة بترجع بتبعت الطلبات للشريك السوري يلي هو بكون غالبا جامعة دمشق..
الشريك السوري بحط شروط زيادة عن المنحة وممكن يعمل مقابلات وبعدين بيختار العدد المطلوب يلي هو 250 شخص وبضيف حوالي ال 100 طالب زيادة وبيبعت هالاسماء للمنحة مرة تانية .
الشروط السنة الماضية كانت :
- جواز سفر ساري المفعول ( هاد الشي ما كان مطلوب بالمنحة لحتى شهر 8 ).
- تحقيق شرط اللغة الانكليزية.
- لازم يكون المتقدم بداخل الاراضي السورية حصرا..
آلية القبول في المنحة الهنغارية
بعد ما نعبي طلباتنا ونجهزها ونبعتها لموقع المنحة رح تقوم ادارة المنحة ببعت الطلبات للشريك السوري يلي حكينا عنو قبل شوي, بعدين الأسماء المقبولة من الشريك رح تنبعت لادارة المنحة مرة تانية والمنحة رح تبعت الموافقات للطلاب يلي انقبلوا ( هاد القبول المبدئي )
الجامعة يلي اخترناها بالرغبة الاولى لح تتواصل معنا وتحددلنا موعد للمقابلة ( غالبا عن طريق برنامج سكايب Skype ) اذا كانت لغتك الانكليزية جيدة ف انت غالبا رح تنقبل
المقابلة عبارة عن اسئلة روتينية متل :
احكيلنا عن حالك – سبب رغبتك بهاد الفرع – طموحك بعد التخرج -….
اذا انرفضت من الجامعة الاولى لح تنتظر رد الجامعة التانية واذا رفضتك كمان ف أنت برا المنحة اكيد..
إذاً هذا الشريك دوره الرئيسي هو اختيار وترشيح الطلّاب الأفضل من بين الطلبات, مع العلم أنّه قد يقوم بوضع شروط خاصّة به بعيداً عن شروط المنحة.
الدور الآخر المهم للشريك هو تحديد الحاجة لاختصاصات معيّنة تحتاجها الجامعة, في مثالنا تم التركيز من قبل جامعة دمشق على اختصاصات المعلوماتية, الاختصاصات الطبيّة وغيرها.
وأيضاً نلاحظ وجود تحديد لعدد المقاعد المطلوبة, مثلاً في السنة الفائتة تم قبول 250 طالب وطالبة من سوريا فقط, و400 طالب وطالبة من الأردن فقط! وبالتالي يوجد عدد معيّن من المقاعد لكل دولة.
لذلك نرجو من الجميع فهم آلية عمل المنحة بشكل كااامل قبل البدء بالتقديم